DocuMentos

  Hai anos, cando queriamos coñecer as letras dunha canción, tiñamos que agudizar os nosos oídos e rewind e play, rewind e play, ata sacar todo o que puideramos. Isto era o que facía eu cunha das miñas amigas, gracias ao cal empezamos a interesarnos polo inglés, máis que nada porque queríamos saber qué era o que estabamos a cantar.

  De todas formas, o "jarenau jaredewei" sempre estivo e estará presente. De feito, aínda hoxe resiste coma linguaxe universal que é, como vemos en grandes exemplos como Raphael ou o Príncipe Gitano (pero en fin, destes falaremos noutro momento).

  O caso é que hoxe é moi doado coñecer as letras, e practicar o inglés cos Podcasts e demáis. E como exemplo, mostro unha cousiña que me atopei na rede: unha animación do "Lemon Tree" de Fool's Garden!!! Qué tempos! Isto cheira a instituto, Pontedeume, pinar... e cantar, cantar e cantar.

  Adorábamos esta canción porque era das poucas que se entendían perfectamente. Así que podemos tomalo en plan karaoke e practicar co tema destes alemáns. Veña que esta é sencilliña!

   Filólogos e demáis estudosos da lingua andan revolucionados por unha nova epidemia que se está a estender. É contaxiosa, pégase e posúe a todos os que toman contacto con ela. Está a acabar coa educación, coñecementos e cultura das novas xeracións, e incluso a vellas tamén van caendo rendidas.

   Pero estamos a tempo que evitalo. Tan só temos que poñer un pouquiño da nosa parte. Non é imposible. YES, WE CAN!!

Se nn o ntnds, pidm k xo xplik.

Dende 2001 vense festexando o Día Europeo das Linguas, co simple obxectivo de sensibilizar á xente en canto á aprendizaxe de idiomas. Por iso, diferentes actos terán lugar en toda Europa, os cales podedes consultar aquí.

Un dato importante que cómpre mencionar é o aportado polo Eurobarómetro en canto ao uso das linguas en Europa. Arredor dun 56% dos habitantes da Unión Europea asegura ser capaz de manter unha conversa noutro idioma que non sexa a súa lingua nai, porcentaxe que, no caso dos españois, representa á parte de poboación que só coñece a súa propia lingua. Creo que non hai máis que comentar.

Na páxina Web podedes atopar posters e información sobre este día. Eu déixovos cun xogo para que testedes o voso coñecemento dos idiomas do vello continente e de xeografía. Trátase de relacionar as pegatas (como a de arriba) có país da lingua na que está escrito. O xogo tan só está disponible en inglés e francés (paradoxas no día das linguas), así que eu déixovos a versión Talk to me.

A menear a lingua, menteiros!!!

Unha nota: Non intentedes buscar Galicia para a de arriba, case mellor picade en Portugal se queredes gañar puntos.