DocuMentos

  Aproveitemos este acto de xenerosidade que decidiron ter os SGAEianos. Despois de moitas críticas, decidiron "donar" os 5600 euracos que pedían pola recaudación dun concerto benéfico para un neno afectado polo Síndrome de Alexander.

Despois dun concerto no que David Bisbal e toda a súa tropa doaron todo o recaudado en favor da loita contra esta rara enfermidade (imos recoñecerlle ao dos rulos polo menos boas intencións), os SGAEiano pretendían quedarse coa porcentaxe dos dereitos de autor...

Porque claro, é legar que se queden con ela... pero.... dilema..... legalidade ou moralidade?

E outra cousa que agora me cuestiono: acto de boa fe ou de boa imaxe?

E que che saín moi desconfiada.

Pois despois dunha longa espera, docuMentos volve a resurxir para animarvos a visitar unha exposición que ten lugar en Fene dende o xoves 30 de Abril. Esta exposición, que leva por título "El lado femenino de la historia", é iniciativa do MASS Research Group dentro do proxecto sobre Sexismo e androcentrismo na prensa.

Os posters estarán expostos ata o 16 deste mes de Maio na Casa da Cultura de Fene. A primeira parte ven a mostrar o traballo do grupo, mentres que na segunda parte se pretende salientar o labor de varias mulleres galegas (4 posters), pioneiras en diversos ámbitos, aínda que non sempre recoñecidas na historia.

Como complemento a esta iniciativa, iniciarase esta semana na Universidade da Coruña outra exposición que amosa tamén os adiantos do proxecto.

Dádevos por invitados.

Un pouco tarde... pero o sentimento é o mesmo. Hai moitas cousas que festexar.
Ademáis de ter pasado todo un Nadal e empezar un novo ano, que esperemos sexa dos mellores, cumprimos UN ANO DE DocuMENTOS!!!
Sería un bó momento para realizar un exercicio de autoanálise, novos propósitos e demáis, pero mellor será ir loitando co destino día a día.
Hoxe tan só quero desexarvos un bó comenzo de ano e que consigades todo aquelo polo que loitades (que tamén o desexo para min). Así que aquí vos queda a inigualable Marilyn pedindo ese desexo que cada un de vós quere pedir.
Un bico moi grande!!

Chega un momento no que é complicado incluso saber quen eres. DMentos, Momo, .... se memorizo todos, este Nadal non necesitarei ser agasallada cun Brain Training...
Felices Festas a todos!!!
Empezan os brindis!!!

  Hai anos, cando queriamos coñecer as letras dunha canción, tiñamos que agudizar os nosos oídos e rewind e play, rewind e play, ata sacar todo o que puideramos. Isto era o que facía eu cunha das miñas amigas, gracias ao cal empezamos a interesarnos polo inglés, máis que nada porque queríamos saber qué era o que estabamos a cantar.

  De todas formas, o "jarenau jaredewei" sempre estivo e estará presente. De feito, aínda hoxe resiste coma linguaxe universal que é, como vemos en grandes exemplos como Raphael ou o Príncipe Gitano (pero en fin, destes falaremos noutro momento).

  O caso é que hoxe é moi doado coñecer as letras, e practicar o inglés cos Podcasts e demáis. E como exemplo, mostro unha cousiña que me atopei na rede: unha animación do "Lemon Tree" de Fool's Garden!!! Qué tempos! Isto cheira a instituto, Pontedeume, pinar... e cantar, cantar e cantar.

  Adorábamos esta canción porque era das poucas que se entendían perfectamente. Así que podemos tomalo en plan karaoke e practicar co tema destes alemáns. Veña que esta é sencilliña!

   Filólogos e demáis estudosos da lingua andan revolucionados por unha nova epidemia que se está a estender. É contaxiosa, pégase e posúe a todos os que toman contacto con ela. Está a acabar coa educación, coñecementos e cultura das novas xeracións, e incluso a vellas tamén van caendo rendidas.

   Pero estamos a tempo que evitalo. Tan só temos que poñer un pouquiño da nosa parte. Non é imposible. YES, WE CAN!!

Se nn o ntnds, pidm k xo xplik.

   Na miña volta á vida universitaria (da que moitos amigos e familiares pensan que nunca escaparei), estou entrando en contacto con novas utilidades. Os meus compis do Máster e máis eu estamos aprendendo agora a arte da edición e maquetación, algo bastante entretenido e interesante para min pero que se pode facer sen todos esos avances. Este é o exemplo:

Preme na imaxe para non perder detalle da técnica

   Para editar as fotos a insertar nos documentos, podemos empregar software como o famoso Photoshop ou o sofware libre Gimp. De todos xeitos, para todos aqueles aos que as NNTT non lles estean a facilitar moito a vida, sempre poden botar man da arte da bricomanía. O resultado pode ser espectacular e ademáis, terá valor engadido, non? O traballo artesán está moi valorado hoxe en día...

Ánimo, picassos...

Empeza en breve na Coruña a Feira Galega das Industrias Culturais, organizada pola Consellería de Cultura e Deporte, coa colaboración de diversas entidades.

Entre os días 4 e 7 de decembro celebrarase no Palacio de Exposicións e Congresos da Coruña a cita deste ano do Cultur.gal. Acudirán as máis representativas empresas galegas adicadas á divulgación de contidos culturais: artes escénicas, música, sector do libro ou as novas tecnoloxías.

Entre os stands das diferentes empresas, terán lugar diversas actividades. A entrada de balde permitirá aos asistentes disfrutar de actuacións, talleres literarios, presentacións de libros, discos, xogos, e outras actividades para todo tipo de público.

Haberá que achegarse por alí, polo menos é o que teño pensado. E vós tamén podedes deixar aquí os vosos comentarios se coincide que vos dades un paseíño polo Palexco.

Podedes ir consultando a programación dalgunhas actividades que xa están anunciadas.

Quedo á espera (como con Godot).

Da man do CITA (Centro Internacional de Tecnologías Avanzadas) da Fundación Germán Sánchez-Ruipérez e a UC3M surxe unha interesante iniciativa destinada aos profesores, investigadores, pais e educadores en xeral.

Ofrece, de balde, multitude de recursos orientados á educación. O usuario pode recibir noticias mediante subscrición, aportar ideas, documentos ou consultar recursos para a aula.

Está dividido en tres bloques xerais, en canto a educación infantil, primaria e secundaria. Cada unha delas ofrece unha interface diferente, acorde cos contidos e os "destinatarios" finais, dun xeito bastante intuitivo.

O mellor é pasar un rato de visita por este recurso. Así que, os interesados xa sabedes.

Un saudiño.